شو الحل بهيك أهل

انا بنت عمري 30 سنه وما حلفني الحظ أني أتزوج رغم أني حلوة بس نصيبي كل عريس بيجيني بعد ليوافق الطرفين بيروح وما بيرجع مو مهم المشكله غير اخوتي ما بيعملوني منيح وبابا حرام منيح معي هو وزوجته بس بابا ما بيقدر يعمل شيء مع اخوتي صح اصغر مني هما بس كبار كلهم فوق 20 سنه المشكله عنا اكتر من قطعة ارض وبيوت وبابا مقسمهم من زمان علينا بس من غير ورق مكتوب عند محامي يعني بالكلام وأنا الي قطعة ارض مع أختي المتزوجه والمشكله الكبري أختي الكبيرة متزوجه وعندها بيت صغير وعندها قطعة ارض من أهل زوجها ومش راضيه تبني فيها لأنها عند سلفاتها وبدها تاخد قطعة الأرض تبعتي وتعت أختي وأنا تعطيني البيت يلي بابا بيحكيلها هاد الك المهم ما بدها أختي الأصغر تاخد أي شيء شو بتحكي لبابا بعيد الشر بعد عمر طويل لما اهل زوج اختي الصغيرة بدهم نصيب بنعطيهم فلوس بس ما ياخدو ارض وهلاء بدها تشتري من بابا قطعة الارض تبعتي وكمان ما بدها تدفع سعرها بدها بالفلوس يلي معها تبني فيهم وحق الارض تدفعه بالتقسيط المريح برأيكم شو اعمل لأنه هاد الأرض حقي أنا واختي الصغيره رغم انه اختي الصغيرة عايشه هي وزوجها وأولادها بغرفة وحده في بيت حماتها اما اختي الطماعه الكبيره عايشه في بيت لوحدها وكمان عمها أبو زوجها اعطاهم ارض بجنب سلفاتها متلها متلهم بس ما بدها تبنيها بدها تخليها يعني يلي بدها اياه انها تاخد كل شيء واحنا مش مهم طز فينا وغير هيك صارت أدور علي دهب أمي بدها اياه كمان ولغاية الان بابا نحمد الله عايش وما قبل في كلامها بس انا خايفه لو صار لبابا شيء لأنه مريض قلب

أمانه أعطوني الحل شو نعمل